[foot]
Sae fine a lady!
Gae somewhere else, and seek your dinner [Go]
On some poor body.
Swith! in some beggar's haffet squattle; [Quick, temples settle]
There ye may creep, and sprawl, and sprattle
Wi' ither kindred, jumping cattle,
In shoals and nations;
Whare horn nor bane ne'er dare unsettle [i.e. comb]
Your thick plantations.
Now haud ye there! ye're out o' sight, [keep]
Below the fatt'rils, snug an' tight; [fal-de-rals]
Na, faith ye yet! ye'll no be right
Till ye've got on it,
The very tapmost tow'ring height
O' Miss's bonnet.
My sooth! right bauld ye set your nose out,
As plump and gray as onie grozet; [gooseberry]
O for some rank mercurial rozet, [rosin]
Or fell red smeddum! [deadly, dust]
I'd gie you sic a hearty doze o't,
Wad dress your droddum! [breech]
I wad na been surpris'd to spy
You on an auld wife's flannen toy; [flannel cap]
Or aiblins some bit duddie boy, [perhaps, ragged]
On's wyliecoat; [undervest]
But Miss's fine Lunardi! fie, [balloon bonnet]
How daur ye do't? [dare]
O Jenny, dinna toss your head,
An' set your beauties a' abread! [abroad]
Ye little ken what cursed speed
The blastie's makin'! [little wretch]
Thae winks and finger-ends, I dread, [Those]
Are notice takin'!
O wad some Pow'r the giftie gie us
To see oursels as others see us!
It wad frae mony a blunder free us,
And foolish notion:
What airs in dress an' gait wad lea'e us,
And ev'n devotion!
TO A MOUNTAIN DAISY
ON TURNING ONE DOWN WITH A PLOUGH IN APRIL, 1786
Wee modest crimson-tipped flow'r,
Thou's met me in an evil hour;
For I maun crush amang the stoure [must]
Thy slender stem:
To spare t
|