ayne
wykyt with a barre that openythe the dore apon the
northe syde. There standythe forthe a certayne aultre
whiche is dedycate to our lady, it is but a lytle one,
and I suppose set there for no other purpose, but to be
a olde monumet or sygne, that in thos dayes there was
no greate superfluyte. There thay saye that thys
blessyd martyr sayd his last good nyght to our lady,
wha he shuld departe hensse. In ye aultre is the poynte
of the sword that styryd abowt the braynes of thys
blessyd martyr. And there lye his braynes shed apon the
yerthe, whereby you may well knowe yt he was nere
deade. But the holly ruste of thys grat I deuoutly
kyssed for loue of ye || D v.|| blessyd martyr. From
thens we wet vndre the crowdes, whiche is nat withowt
hys chaplaynes, & there we sawe the brayne panne of
that holy martyr whiche was thraste quyte thorow, all
the other was coueryd with syluer, the ouerparte of the
brayne panne was bare to be kyssyd, and there with all
is seth forthe a certayn leden table hauynge grauyd in
hym a tytle of saynte Thomas of Acrese. There hange
also the sherte of heyre, & hys gyrdle with hys heren
breches where with that noble champyo chastnyd hys
body, thay be horryble to loke apon, and greatly
reproue oure delycate gorgeousnes. _Me._ Ye peraueture
so thay do the mokes slotefulnes. _Ogy._ As for that
mater I canat affyrme nor yet denye, nor yet it is no
poynte of my charge. _Me._ Ye saye truthe. _Ogy._ Frome
thens we returnyd in to the quere, & apon || ye northe
syde be ye relyques shewyd, a wonderouse thynge to se,
what a sort of bones be broght forthe, skulles, iawes,
thethe, handes, fyngres, hole armes, wha we had
worshipyd thaym all, we kyssyd thaym, that I thoght we
shuld neuer haue mayd an ende, but that my pylgremage
felow whiche was an vnmete companyon for suche a
busynes, prayd thaym to make an end of sethynge forthe
thayre relyques. _Me._ What felowe was that? _Ogy._
He was an Englyshma callyd Gratiane colte a man bothe
vertuouse and well learnyd, but he had lesse affectyon
toward pylgremages than I wold that he shuld haue.
_Me._ One of Wyclyffes scoleres I warrante you? _Ogy._
I thynke nat, althoghe he had redde hys bokes, how he
came by thaym I cannat tell. _Me._ He dysplesyd mayster
Sexte greuosly. _Ogy._ Tha was there broght forthe ||
an arme whiche had yet the redde fleshe apon it, he
abhorryd to kysse it, a man myght se by hys countenance
that he was nothynge well pleasyd, & than by
|