Inuictissimo potentissimoque Abassenorum regi, magnoque vtriusque
Aethiopiae imperatori &c.

Elizabetha Dei gratia Angliae, Franciae, et Hiberniae regina, fidei
defensor &c. summo ac potentissimo AEthiopiae imperatori salutem. Quod ab
omnibus qui vbiuis terrarum ac gentium sunt regibus principibusque
praestari par et aequum est, vt quanquam maximo locorum interuallo
dissiti, et moribus ac legibus discrepantes, communem tamen generis humani
societatem tueri et conseruare, mutuaque vt occasio ferret, charitatis et
beneuolentiae officia velint exercere: in eo nos de vestra fide atque
humanitate spem certissimam concipientes huic subito nostro Laurentio
Alderseio in regnum vestrum proficiscenti, hasce literas nostras, quibus
et nostra erga vos beneuolentia testata sit, et illum hinc profectum esse
constet, potissimum vobis indicandus dedimus. Qui cum orbis terrarum
perscrutandi cognoscendique studio permotus, multis antehac regionibus
peragratis, iam tandem in eas regiones, quae vestrae ditionis sunt,
longum, periculosumque iter instituat: cum ipse existimauit, tum nos etiam
sumus in eadem opinione, ad incolumitatem suam, atque etiam ad gratiam
apud vos, plurimum illi prafuturum, si diplomate nostro munitus,
beneuolenentiae nostrae et profectionis hinc suae testimonium ad vos
deferret. Nam cum summus ille mundi conditor rectorque praepotens Deus,
regibus principibusque qui suam vicem gerunt, orbem terrarum, suis cuique
finibus pro rata portione designatis, regendum atque administrandum
dederit; eoque munere ius quoddam inter eos fraternae necessitudinis,
aeternumque foedus ab illis colendum sanxerit: non erit (vt arbitramur)
ingratum vobis, cum beneuolentiae nostrae significationem, tam immensa
maris ac terrarum spatia transgressam, ab vltima Britannia ad vos in
Aetheiopiam perferri intellexeritis. Nobisque rursus erit incundum, cum
subditorum nostrorum praedicatione, ab ipsis Nili fontibus, et ab ijs
regionibus quae solis cursum definiunt, fama vestri nominis ad nos
recurret. Erit igitur humanitatis vestrae huic subdito nostro eam largiri
gratiam, vt in ditionem vestram sub praesidio ac tutela vestri nominis
intrare, ibique saluus et incolumis manere possit: quod ipsum etiam
ab aliis principibus, per quorum regiones illi transeundum erit magnopere
petimus, nobisque ipsis illud honoris causa tributum existimabimus: neque
tamen maiorem hac in re gratiam postulamus, quam vicissim omnium principum
subditis, omniumque gentium