gray;
Come from the forest glade and greenwood tree;
Hasten, ye fairy elves, hither to me!
Were ye by woodland or cleugh of the brae,
Were ye by ocean rock dash'd by the spray,
Were ye by sunny dell up in the ben,
Or by the braken howe far down the glen,
Or by the river side; where'er ye be,
Hasten, ye fairy elves, hither to me!
Hasten, ye fairy elves, hither to-night,
Haste to your revel sports gleesome and light,
To bathe in the dew-drops, and bask in the Leven,
And dance on the moonbeams far up the heaven,
Then sleep on the rosebuds that bloom on the lea;
Hasten, ye fairy elves, hither to me!
WHEN AUTUMN COMES.
When autumn comes an' heather bells
Bloom bonnie owre yon moorland fells,
An' corn that waves on lowland dales
Is yellow ripe appearing;
Bonnie lassie will ye gang
Shear wi' me the hale day lang;
An' love will mak' us eithly bang
The weary toil o' shearing?
An' if the lasses should envy,
Or say we love, then you an' I
Will pass ilk ither slyly by,
As if we werena caring.
But aye I wi' my heuk will whang
The thistles, if in prickles strang
Your bonnie milk-white hands they wrang,
When we gang to the shearing.
An' aye we'll haud our rig afore,
An' ply to hae the shearing o'er,
Syne you will soon forget you bore
Your neighbours' jibes and jeering.
For then, my lassie, we'll be wed,
When we hae proof o' ither had,
An' nae mair need to mind what's said
When we're thegither shearing.
BONNIE PEGGIE, O!
Gang wi' me to yonder howe, bonnie Peggie, O!
Down ayont the gowan knowe, bonnie Peggie, O!
When the siller burn rins clear,
When the rose blooms on the brier,
An' where there is none to hear, bonnie Peggie, O!
I hae lo'ed you e'en an' morn, bonnie Peggie, O!
You hae laugh'd my love to scorn, bonnie Peggie, O!
My heart's been sick and sair,
But it shall be sae nae mair,
I've now gotten a' my care, bonnie Peggie, O!
You hae said you love me too, bonnie Peggie, O!
An' you've sworn you will be true, bonnie Peggie, O!
Let the world gae as it will,
Be it weel or be it ill,
Nae hap our joy shall spill, bonnie Peggie, O!
Gang wi' me to yonder howe, bonnie Peggie, O!
Where the flowers o' simmer grow,
|