e by that
portmanteau?"
"I wotna if it's pillaging, or how ye ca't," said Cuddie, "but it comes
natural to a body, and it's a profitable trade. Our folk had tirled the
dead dragoons as bare as bawbees before we were loose amaist.--But when I
saw the Whigs a' weel yokit by the lugs to Kettledrummle and the other
chield, I set off at the lang trot on my ain errand and your honour's.
Sae I took up the syke a wee bit, away to the right, where I saw the
marks o'mony a horsefoot, and sure eneugh I cam to a place where there
had been some clean leatherin', and a' the puir chields were lying there
buskit wi' their claes just as they had put them on that morning--naebody
had found out that pose o' carcages--and wha suld be in the midst thereof
(as my mither says) but our auld acquaintance, Sergeant Bothwell?"
"Ay, has that man fallen?" said Morton.
"Troth has he," answered Cuddie; "and his een were open and his brow
bent, and his teeth clenched thegither, like the jaws of a trap for
foumarts when the spring's doun--I was amaist feared to look at him;
however, I thought to hae turn about wi' him, and sae I e'en riped his
pouches, as he had dune mony an honester man's; and here's your ain
siller again (or your uncle's, which is the same) that he got at Milnwood
that unlucky night that made us a' sodgers thegither."
"There can be no harm, Cuddie," said Morton, "in making use of this
money, since we know how he came by it; but you must divide with me."
"Bide a wee, bide a wee," said Cuddie. "Weel, and there's a bit ring he
had hinging in a black ribbon doun on his breast. I am thinking it has
been a love-token, puir fallow--there's naebody sae rough but they hae
aye a kind heart to the lasses--and there's a book wi'a wheen papers, and
I got twa or three odd things, that I'll keep to mysell, forby."
"Upon my word, you have made a very successful foray for a beginner,"
said his new master.
"Haena I e'en now?" said Cuddie, with great exultation. "I tauld ye I
wasna that dooms stupid, if it cam to lifting things.--And forby, I hae
gotten twa gude horse. A feckless loon of a Straven weaver, that has left
his loom and his bein house to sit skirling on a cauld hill-side, had
catched twa dragoon naigs, and he could neither gar them hup nor wind,
sae he took a gowd noble for them baith--I suld hae tried him wi' half
the siller, but it's an unco ill place to get change in--Ye'll find the
siller's missing out o' Bothwell's purse.
|