on the bak herof, incase ye vill tak my vord for the
credit of the berair: and vse all expedicioun, for the twrne vald nocht
be lang delayit. Ye knaw the kingis hwnting vill be schortly, and than
sall be best tyme, as M.A.R. has asswred me, that my Lo. has resolved to
interpryse that matter. Lwking for yowr answer, committis yow to
Chrystis haly protectioun. Frome Fastcastell, the awchtan day of July
1600.
(Sic subscribitur) Yowris to vtter power redy
RESTALRIGE.
On the back 'Sprott,' 'bookit' (2).
* * * * *
(2) _Robert Logan of Restalrig to Laird Bower_.
Lard Bower,--I pray yow hast yow hast to me abowt the erand I tald yow,
and ve sall confer at lenth of all thingis. I hew recevit an new letter
fra my Lo(rd) of Go(wrie) concerning the purpose that M.A. his Lo.
brothir spak to me befoir, and I perseif I may hew avantage of Dirleton,
incase his other matter tak effect, as ve hope it sall. Alvayse I beseik
yow be at me the morne at evin, for I hew asswred his lo. servand, that I
sall send yow over the vatter vithin thre dayis, vith an full resolucion
of all my vill, anent all purposes; As I sall indeid recommend yow and
yowr trustiness till his lo. as ye sall find an honest recompense for
yowr panes in the end. I cair nocht for all the land I hew in this
kingdome, incase I get an grip of Dirleton, for I estem it the plesantest
dwelling in Scotland. For Goddis cawse, keip all thingis very secret,
that my lo. my brothir get na knawlege of owr purposes, for I (wald?)
rather be eirdit quik. And swa lwking for yow, I rest till meitting.
Fra the Kannogait, the xviij day of July.
(Sic subscribitur) Yowris to power redy
RESTALRIGE.
I am verie ill at eise and thairfoir speid yow hither.
On the back 'Sprott,' 'Secund,' 'bookit.'
* * * * *
(3) _Robert Logan of Restalrig to_ . . . .
Rycht honorable Sir,--All my hartly duty vith humbill servise remembred.
Sen I hew takin on hand to interpryse vith my lo(rd) of Go(wrie) yowr
speciall and only best belowed, as ve hew set down the plat alredy, I
vill request yow that ye vill be very circumspek and vyse, that na man
may get ane avantage of vs. I dowt nocht bot ye knaw the perell to be
bayth lyf, land and honowr, incase the mater be noc
|