, AS FROM LOGAN

[_Preserved in the General Register House_, _Edinburgh_]

(1) _Robert Logan of Restalrig to_ . . .

Rycht Honorabill Sir,--My dewty with servise remembred. Pleise yow
onderstand, my Lo. of Gowry and some vtheris his Lo. frendis and veill
villeris, qha tendaris his Lo. better preferment, ar vpon the resolucion
ye knaw, for the revenge of that cawse; and his Lo. hes vrettin to me
anent that purpose, qhairto I vill accorde, incase ye vill stand to and
beir a part: and befoir ye resolve, meet me and M.A.R. in the Cannogat on
Tysday the nixt owk, and be als var as ye kan. Indeid M.A.R. spak with
me fowr or fywe dayis syn, and I hew promised his Lo. ane answar within
ten dayis at farrest. As for the purpose how M.A.R. and I hes sett down
the cowrse, it vill be ane very esy done twrne, and nocht far by that
forme, vith the lyke stratagem, qhairof ve had conference in Cap. h. Bot
incase ye and M.A.R. forgader, becawse he is someqhat consety, for Godis
saik be very var vith his raklese toyis of Padoa: For he tald me ane of
the strangest taillis of ane nobill man of Padoa that ever I hard in my
lyf, resembling the lyk purpose. I pray yow, Sir, think nathing althocht
this berare onderstand of it, for he is the special secretair of my lyf;
His name is Lard Bower, and vas ald Manderstonis man for deid and lyf,
and evin so now for me. And for my awin part, he sall knaw of all that I
do in this varld, so lang as ve leif togidder, for I mak him my howsehald
man: He is veill vorthy of credit, and I recommend him to yow. Alvyse to
the purpose, I think best for our plat that ve meet all at my house of
Fastcastell; for I hew concludit with M.A.R. how I think it sall be
meittest to be convoyit quyetest in ane bote, be sey; at qhilk tyme vpon
swre adwartisment I sall hew the place very quyet and veill provydit; and
as I receve yowr answer I vill post this berair to my Lo. and therfoir I
pray yow, as ye luf yowr awin lyf, becawse it is nocht ane matter of
mowise, be circumspect in all thingis, and tak na feir bot all sall be
veill. I hew na vill that ather my brother or yit M.W.R. my Lo. ald
pedagog knaw ony thing of the matter, qhill all be done that ve vald hew
done; and thane I cair nocht qha get vit, that lufis vs. Qhen ye hew
red, send this my letter bak agane vith the berar, that I may se it brunt
my self, for sa is the fasson in sic errandis; and if ye please, vryyt
our (?) answer