agles soar,
The dizzy crags, where tempests sweep--
Then here's a health to Scotia's shore.

Sing not to me of sunny lands,
For there full often tyrants sway
Who climb to power with blood-stain'd hands,
While crouching, trembling slaves obey;
Give me the land unconquer'd still,
Though often tried in days of yore,
Where freedom reigns from plain to hill--
Then here's a health to Scotia's shore.

THE DAYS WHEN WE WERE YOUNG.

The happy days of yore!
Will they ever come again,
To shed a gleam of joy on us,
And win the heart from pain?
Or will they only come in dreams,
When nicht's black curtain 's hung?
Yet even then 'tis sweet to mind
The days when we were young.

Fond mem'ry, wi' its mystic power,
Brings early scenes to view--
Again we roam among the hills,
Sae wat wi' morning dew--
Again we climb the broomy knowes,
And sing wi' prattlin' tongue,
For we had nae cares to fash us
In the days when we were young.

How aft, when we were callants,
Hae we sought the ocean's shore,
And launch'd wi' glee our tiny boats,
And heard the billows roar?
And aft amang the glancin' waves
In daring sport we 've sprung,
And swam till we were wearied,
In the days when we were young.

In winter, round the ingle side,
We 've read wi' kindling e'e,
How Wallace Wight, and Bruce the Bold,
Aft made the southrons flee;
Or listen'd to some bonnie sang,
By bonnie lassie sung:
Oh! love and happiness were ours,
In days when we were young.

Oh! his maun be a waefu' heart
That has nae sunny gleams
Of by-gane joys in early days,
Though it be but in dreams:
Wha thinks nae o' his mither's arms,
Sae aft around him flung,
To shield him safe frae earthly harms,
In days when he was young:

Wha thinks nae o' his sisters fair,
That toddled out and in,
And ran about the braes wi' him,
And play'd wi' meikle din;
And his maun be a barren heart,
Where love has never sprung,
Wha thinks nae o' the days gane by
The days when he was young.

LIZZIE FREW.

'Twas a balmy summer gloamin',
When the sun had gane to rest,
And his gowden beams were glintin'
Owre the hills far in the west;
And upon the snawy gowan