w many a lonely wanderer has stood!
And, whilst the lifted murmur met his ear,
And o'er the distant billows the still eve
Sailed slow, has thought of all his heart must leave
To-morrow; of the friends he loved most dear;
Of social scenes, from which he wept to part!
Oh! if, like me, he knew how fruitless all
The thoughts that would full fain the past recall,
Soon would he quell the risings of his heart,
And brave the wild winds and unhearing tide--
The world his country, and his God his guide.
ROBERT BURNS
MARY MORISON
O Mary, at thy window be;
It is the wished, the trysted hour!
Those smiles and glances let me see
That make the miser's treasure poor!
How blythely wad I bide the stoure,
A weary slave frae sun to sun,
Could I the rich reward secure,
The lovely Mary Morison.
Yestreen, when to the trembling string
The dance gaed thro' the lighted ha',
To thee my fancy took its wing;
I sat, but neither heard nor saw:
Tho' this was fair, and that was braw,
And yon the toast of a' the town,
I sighed, and said amang them a',
'Ye are na Mary Morison.'
O Mary, canst thou wreck his peace
Wha for thy sake wad gladly die?
Or canst thou break that heart of his
Whase only faut is loving thee?
If love for love thou wilt na gie,
At least be pity to me shown!
A thought ungentle canna be
The thought o' Mary Morison.
THE HOLY FAIR
Upon a simmer Sunday morn,
When Nature's face is fair,
I walked forth to view the corn,
An' snuff the caller air.
The rising sun, owre Galston muirs,
Wi' glorious light was glintin;
The hares were hirplin down the furs,
The lav'rocks they were chantin
Fu' sweet that day.
As lightsomely I glowered abroad,
To see a scene sae gay,
Three hizzies, early at the road,
Cam skelpin up the way.
Twa had manteeles o' dolefu' black,
But ane wi' lyart lining;
The third, that gaed a wee a-back,
Was in the fashion shining
Fu' gay that day.
The twa appeared like sisters twin,
In feature, form, an' claes;
Their visage withered, lang an'thin,
An' sour as onie slaes:
The third cam up, hap-step-an'-lowp,
As light as onie lambie,
An' wi' a curchie low did stoop,
As soon as e'er she saw me,
Fu' kind that day.
Wi' bonnet aff, quoth I, 'Sweet lass,
I think ye seem to ken me;
I'm sure I've seen that bonie face,
But yet I canna name ye.'
Quo'
|