t,
To bring his soul to the bliss of heaven,
For he was a gentle knight.

The Lament of the Border Widow

My love he built me a bonny bower,
And clad it a' wi' a lilye flower,
A brawer bower ye ne'er did see,
Than my true love he built for me.

There came a man, by middle day,
He spied his sport and went away,
And brought the king that very night,
Who brake my bower, and slew my knight.

He slew my knight, to me so dear;
He slew my knight, and poined his gear;
My servants all for life did flee,
And left me in extremitie.

I sewed his sheet, making my mane;
I watched the corpse, myself alane;
I watched his body, night and day;
No living creature came that way.

I took his body on my back,
And whiles I gaed, and whiles I sat,
I digged a grave, and laid him in,
And happed him with the sod so green.

But think na ye my heart was sair,
When I laid the moul' on his yellow hair;
Think na ye my heart was wae,
When I turned about, away to gae?

Nae living man I'll love again,
Since that my lovely knight is slain;
W? ae lock of his yellow hair
I'll chain my heart for evermair.

The Banks o' Yarrow

Late at e'en, drinking the wine,
And ere they paid the lawing,
They set a combat them between,
To fight it in the dawing.

"What though ye be my sister's lord,
We'll cross our swords to-morrow."
"What though my wife your sister be,
I'll meet ye then on Yarrow."

"O stay at hame, my ain gude lord!
O stay, my ain dear marrow!
My cruel brither will you betray
On the dowie banks o' Yarrow."

"O fare ye weel, my lady dear!
And put aside your sorrow;
For if I gae, I'll sune return
Frae the bonny banks o' Yarrow."

She kiss'd his cheek, she kaim'd his hair,
As oft she'd done before, O;
She belted him wi' his gude brand,
And he's awa' to Yarrow.

When he gaed up the Tennies bank,
As he gaed mony a morrow,
Nine armed men lay in a den,
On the dowie braes o' Yarrow.

"O come ye here to hunt or hawk
The bonny Forest thorough?
Or come ye here to wield your brand
Upon the banks o' Yarrow?"

"I come not here to hunt or hawk,
As oft I've dune before, O,
But I come here to wield my brand