I wish I were where Helen lies,
Night and day on me she cries;
O that I were where Helen lies,
On fair Kirconnell lea!
Cursed be the heart that thought the thought,
And cursed the hand that fired the shot,
When in my arms burd Helen dropped,
And died to succor me!
O think na ye my heart was sair,
When my Love dropped and spak nae mair!
There did she swoon wi' meikle care,
On fair Kirconnell lea.
As I went down the water side,
None but my foe to be my guide,
None but my foe to be my guide,
On fair Kirconnell lea;
I lighted down my sword to draw,
I hacked him in pieces sma',
I hacked him in pieces sma',
For her sake that died for me.
O Helen fair, beyond compare!
I'll mak a garland o' thy hair,
Shall bind my heart for evermair,
Until the day I dee!
O that I were where Helen lies
Night and day on me she cries;
Out of my bed she bids me rise,
Says, Haste, and come to me!"
O Helen fair! O Helen chaste!
If I were with thee, I'd be blest,
Where thou lies low and taks thy rest,
On fair Kirconnell lea.
I wish my grave were growing green,
A winding-sheet drawn owre my e'en,
And I in Helen's arms lying,
On fair Kirconnell lea.
I wish I were where Helen lies!
Night and day on me she cries;
And I am weary of the skies,
For her sake that died for me.
Unknown
WILLY DROWNED IN YARROW
"Willy's rare, and Willy's fair,
And Willy's wondrous bonny;
And Willy hecht to marry me,
Gin e'er he married ony.
"Yestreen I made my bed fu' braid,
This night I'll make it narrow;
Fpr a' the livelang winter night
I lie twined of my marrow.
"Oh came you by yon water-side?
Pu'd you the rose or lily?
Or came you by yon meadow green?
Or saw you my sweet Willy?"
She sought him east, she sought him west,
She sought him braid and narrow;
Syne in the cleaving of a craig,
She found him drowned in Yarrow.
Unknown
ANNAN WATER
"Annan Water's wading deep,
And my Love Annie's wondrous bonny;
And I am laith she should wet her feet,
Because I love her best of ony."
He's loupen on his bonny gray,
He rade the right gate and the ready;
For all the storm he wadna stay,
For seeking of his bonny lady.
And he has ridden o'er field and fell,
Through moor, and moss, and many a mire;
His spurs of steel were sair to bide,
And from her four feet flew the fire.
"My bonny gray, now play your part!
If ye be the steed that wins my dearie,
With corn and hay ye'll be fed for aye,
And never sp
|