ul
men, and unbileueful, and cursid, and manquelleris, and fornicatours,
and to witchis and worschiperis of ydols and to alle lyeris the part of
hem schal be in the pool brenynge with fyer and brymstoon, that is the
secounde deeth. And oon [one] cam of the seuene aungelis hauynge violis
ful of seuene the laste ueniauncis [vengeances, plagues], and he spak
with me and seide, come thou and I schal schewe to thee the spousesse
[bride] the wyf of the lombe. And he took me up in spirit into a greet
hill and high, and he schewide to me the hooli cite ierusalem comynge
doun fro heuene of god, hauynge the cleerte [glory] of god; and the
light of it lyk a precious stoon as the stoon iaspis [jasper], as
cristal. And it hadde a wall greet and high hauynge twelue ghatis
[gates], and in the ghatis of it twelue aungelis and names writen yn
that ben the names of twelue lynagis [lineages, tribes] of the sones of
israel. Fro the eest three ghatis, and fro the north three ghatis, and
fro the south three ghatis, and fro the west three ghatis. And the wall
of the citee hadde twelue foundamentis, and in hem the twelue names of
twelue apostlis and of the lombe. And he that spak with me hadde a
goldun mesure of a rehed [reed] that he schulde mete the citee and the
ghatis of it and the wall. And the citee was sett in a square, and the
lengthe of it is so mych as mych as is the brede [breadth], and he mat
[meted, measured] the citee with the rehed bi furlongis twelue
thousyndis, and the highthe and the lengthe and breede of it ben euene.
And he maat [meted, measured] the wallis of it of an hundride and foure
and fourti cubitis bi mesure of man, that is, of an aungel. And the
bilding of the wall thereoff was of the stoon iaspis and the citee it
silff was cleen gold lyk cleen glas. And the foundamentis of the wal of
the cite weren ourned [adorned] with al precious stoon, the firste
foundament iaspis, the secound saphirus, the thridde calsedonyus, the
fourthe smaragdus [emerald], the fifthe sardony [sardonyx], the sixte
sardyus [ruby], the seuenthe crisolitus, the eighthe berillus, the
nynthe topasius, the tenthe crisopassus, the elleuenthe iacinctus
[jacinth], the tweluethe amiatistus [amethyst]. And twelue ghatis ben
twelue margaritis [pearls] bi ech [each], and ech ghate was of ech
[each] margarite and the streetis of the citee weren cleen gold as of
glas ful schinynge. And I saigh no temple in it, for the lord god
almyghti and the lo