?
Loudoun's bonnie woods and braes
Hae seen our happy bridal days,
And gentle Hope shall soothe thy waes,
When I am far awa', lassie.

"Hark! the swelling bugle sings,
Yielding joy to thee, laddie,
But the dolefu' bugle brings
Waefu' thoughts to me, laddie.
Lanely I may climb the mountain,
Lanely stray beside the fountain,
Still the weary moments countin',
Far frae love, and thee, laddie.
O'er the gory fields of war,
When Vengeance drives his crimson car,
Thou 'lt maybe fa', frae me afar,
And nane to close thy e'e, laddie."

O! resume thy wonted smile!
O! suppress thy fears, lassie!
Glorious honour crowns the toil
That the soldier shares, lassie;
Heaven will shield thy faithful lover,
Till the vengeful strife is over,
Then we 'll meet nae mair to sever,
Till the day we die, lassie;
'Midst our bonnie woods and braes,
We 'll spend our peaceful, happy days,
As blithe 's yon lightsome lamb that plays
On Loudoun's flowery lea, lassie.

[78] Tannahill wrote this song in honour of the Earl of Moira,
afterwards Marquis of Hastings, and the Countess of Loudoun, to whom his
Lordship had been shortly espoused, when he was called abroad in the
service of his country.

THE LASS O' ARRANTEENIE.[79]

Far lone amang the Highland hills,
'Midst Nature's wildest grandeur,
By rocky dens, and woody glens,
With weary steps I wander.
The langsome way, the darksome day,
The mountain mist sae rainy,
Are nought to me when gaun to thee,
Sweet lass o' Arranteenie.

Yon mossy rosebud down the howe,
Just op'ning fresh and bonny,
Blinks sweetly 'neath the hazel bough,
And 's scarcely seen by ony;
Sae, sweet amidst her native hills,
Obscurely blooms my Jeanie,
Mair fair and gay than rosy May,
The flower o' Arranteenie.

Now, from the mountain's lofty brow,
I view the distant ocean,
There Av'rice guides the bounding prow,
Ambition courts promotion:--
Let Fortune pour her golden store,
Her laurell'd favours many;
Give me but this, my soul's first wish,
The lass o' Arranteenie.

[79] This song was written on a young lady, whom a friend of the author
met at Ardentinny, a retired spot on the margin of Loch Long.

YON BURN SIDE.[80]

AIR--_"The Brier-bush."_