one
of the ballads of her old Thulian nurse, and had the merit of an
antique northern foundation at least, although it had evidently passed
through the hands of a lowland poet before it had, in its present form,
found its way northwards again to the Shetland Isles. The first tone of
the ghostly music startled Alec, and would have arrested him even if
the voice had not been Kate's.
"Sweep up the flure, Janet.
Put on anither peat.
It's a lown and starry nicht, Janet,
And neither cauld nor weet.
And it's open hoose we keep the nicht
For ony that may be oot.
It's the nicht atween the Sancts and Souls,
Whan the bodiless gang aboot
Set the chairs back to the wa', Janet;
Mak' ready for quaiet fowk.
Hae a' thing as clean as a win'in' sheet:
They comena ilka ook.
There's a spale* upo' the flure, Janet;
And there's a rowan-berry:
Sweep them into the fire, Janet.--
They'll be welcomer than merry.
Syne set open the door, Janet--
Wide open for wha kens wha;
As ye come benn to yer bed, Janet,
Set it open to the wa'."
She set the chairs back to the wa',
But ane made o' the birk;
She sweepit the flure,--left that ae spale,
A lang spale o' the aik.
The nicht was lowne, and the stars sat still,
Aglintin' doon the sky;
And the souls crap oot o' their mooly graves,
A' dank wi' lyin' by.
She had set the door wide to the wa',
And blawn the peats rosy reid;
They war shoonless feet gaed oot and in,
Nor clampit as they gaed.
Whan midnicht cam', the mither rase--
She wad gae see and hear.
Back she cam' wi' a glowerin' face,
And sloomin' wi' verra fear.
* A wood-shaving.
"There's ane o' them sittin' afore the fire!
Janet, gang na to see:
Ye left a chair afore the fire,
Whaur I tauld ye nae chair sud be."
Janet she smiled in her mother's face:
She had brunt the roddin reid;
And she left aneath the birken chair
The spale frae a coffin-lid.
She rase and she gaed butt the hoose,
Aye steekin' door and door.
Three hours gaed by or her mother heard
Her fit upo' the floor.
But whan the grey cock crew, she heard
The sound o' shoeless feet;
Whan the red cock crew, she heard the door,
And a sough o' wind and weet.
And Janet cam' back wi' a wan face,
But never a word said she;
No man ever heard her voice lood oot,
It cam' like frae ower the sea.
And no man ever
|