ritual body. Ye
min' that verse i' the prophecees o' Ezakiel: I ken't weel by hert. It
says: 'And their whole boady, and their backs, and their han's, and
their wings, and the wheels, were full of eyes roon aboot, even the
wheels that they four had.' Isna that a gran' text? I wiss Mr Turnbull
wad tak' it into his heid to preach frae that text sometime afore it
comes, which winna be that lang, I'm thinkin'. The wheels'll be
stoppin' at my door or lang."
"What gars ye think that, Tibbie? There's no sign o' deith aboot you,
I'm sure," said Annie.
"Weel, ye see, I canna weel say. Blin' fowk somehoo kens mair nor ither
fowk aboot things that the sicht o' the een has unco little to do wi'.
But never min'. I'm willin' to bide i' the dark as lang as He likes.
It's eneuch for ony bairn to ken that its father's stan'in' i' the
licht, and seein' a' aboot him, and sae weel able to guide hit, though
it kensna whaur to set doon its fit neist. And I wat He's i' the licht.
Ye min' that bit aboot the Lord pittin' Moses intil a clift o' the
rock, and syne coverin' him wi' his han' till he was by him?"
"Ay, fine that," answered Annie.
"Weel, I canna help thinkin' whiles, that the dark aboot me's jist the
how o' the Lord's han'; and I'm like Moses, only wi' this differ, that
whan the Lord tak's his han' aff o' me, it'll be to lat me luik i' the
face o' him, and no to lat me see only his back pairts, which was a'
that he had the sicht o'; for ye see Moses was i' the body, and cudna
bide the sicht o' the face o' God. I daursay it wad hae blin' 't him. I
hae heard that ower muckle licht'll ca fowk blin' whiles. What think
ye, lassie?"
"Ay; the lichtnin' blin's fowk whiles. And gin I luik straucht at the
sun, I can see nothing efter't for a whilie."
"I tell ye sae!" exclaimed Tibbie triumphantly. "And do ye min' the
veesion that the apostle John saw in Pawtmos? I reckon he micht hae
thocht lang there, a' him lane, gin it hadna been for the bonnie
things, and the gran' things, and the terrible things 'at the Lord loot
him see. They _war_ gran' sichts! It was the veesion o' the Saviour
himsel'--Christ himsel'; and he says that his coontenance was as the
sun shineth in his strength. What think ye o' that, lass!"
This was not a question, but an exulting exclamation. The vision in
Patmos proved that although Moses must not see the face of God because
of its brightness, a more favoured prophet might have the vision. And
Tibbie, who h
|