Osbaldistone, now that chield's out of ear-shot, I'll just
tell you it's free to you to speer, and it's free to me to answer, or
no--Gude I canna say muckle o' Rob, puir chield; ill I winna say o' him,
for, forby that he's my cousin, we're coming near his ain country, and
there may be ane o' his gillies ahint every whin-bush, for what I
ken--And if ye'll be guided by my advice, the less ye speak about him, or
where we are gaun, or what we are gaun to do, we'll be the mair likely to
speed us in our errand. For it's like we may fa' in wi' some o' his
unfreends--there are e'en ower mony o' them about--and his bonnet sits
even on his brow yet for a' that; but I doubt they'll be upsides wi' Rob
at the last--air day or late day, the fox's hide finds aye the flaying
knife."

"I will certainly," I replied, "be entirely guided by your experience."

"Right, Mr. Osbaldistone--right. But I maun speak to this gabbling skyte
too, for bairns and fules speak at the Cross what they hear at the
ingle-side.--D'ye hear, you, Andrew--what's your name?--Fairservice!"

Andrew, who at the last rebuff had fallen a good way behind, did not
choose to acknowledge the summons.

"Andrew, ye scoundrel!" repeated Mr. Jarvie; "here, sir here!"

"Here is for the dog." said Andrew, coming up sulkily.

"I'll gie you dog's wages, ye rascal, if ye dinna attend to what I say
t'ye--We are gaun into the Hielands a bit"--

"I judged as muckle," said Andrew.

"Haud your peace, ye knave, and hear what I have to say till ye--We are
gaun a bit into the Hielands"--

"Ye tauld me sae already," replied the incorrigible Andrew.

"I'll break your head," said the Bailie, rising in wrath, "if ye dinna
haud your tongue."

"A hadden tongue," replied Andrew, "makes a slabbered mouth."

It was now necessary I should interfere, which I did by commanding
Andrew, with an authoritative tone, to be silent at his peril.

"I am silent," said Andrew. "I'se do a' your lawfu' bidding without a
nay-say. My puir mother used aye to tell me,

Be it better, be it worse,
Be ruled by him that has the purse.

Sae ye may e'en speak as lang as ye like, baith the tane and the tither
o' you, for Andrew."

Mr. Jarvie took the advantage of his stopping after quoting the above
proverb, to give him the requisite instructions. "Now, sir, it's as
muckle as your life's worth--that wad be dear o' little siller, to be
sure--but it is as muckle