no brag.'

"Sma't bud, 'e say:--

"'Less we try see fer how long tam we is kin go 'dout bittle un drink.'

"Fool bud, 'e 'tretch 'e neck, 'e toss 'e head; 'e say:--

"'All-a right; me beat-a you all day ebry day. Me beat-a you all da
tam.'

"Sma't bud, 'e say:--

"'Ef you bin 'gree wit' dis, less we tek we place. You git 'pon da
crik-side en tekky one ho'n, I git 'pon da tree y-up dey, en tekky
nurrer ho'n. Less we 'tan' dey-dey tel we see how long tam we is kin do
'dout bittle en drink. Wun I blow 'pon me ho'n dun you blow 'pon you'
ho'n fer answer me; me blow, you blow, dun we bote blow.'

"Fool bud walk 'bout big; 'e say:--

"'Me will do um!'

"Nex' day mornin' come. Da sma't bud bin tekky one ho'n un fly 'pon da
tree. De fool bud bin tekky one nurrer ho'n en set by da crik-side. Dey
bin sta't in fer starf deyse'f. Da fool bud, 'e stay by da crik-side wey
dey bin no'n 't all fer eat; 'e no kin fin' no bittle dey-dey. Sma't
bud git in da tree da y-ant en da bug swa'm in da bark plenty. 'E pick
dem ant, 'e y-eat dem ant; 'e pick dem bug, 'e y-eat dem bug. 'E pick
tel 'e craw come full; he feel berry good.

"Fool bud, 'e down by da crik-side. 'E set down, 'e come tire'; 'e 'tan'
up, 'e come tire'; 'e walk 'bout, 'e come tire'. 'E 'tan' 'pon one leg,
he 'tan' 'pon turrer; 'e pit 'e head need 'e wing; still he come tire'.
Sma't bud shed 'e y-eye; 'e feel berry good. Wun 'e come hongry, 'e pick
ant, 'e pick bug, tel 'e hab plenty, toze dinner-time 'e pick up 'e
ho'n, 'e toot um strong--

"'_Tay-tay, tenando wanzando waneanzo!_'

"Fool bud craw bin empty, but 'e hab win'. 'E tekky da ho'n, 'e blow
berry well; he mek um say:--

"'_Tay-tay tenando wanzando olando!_'

"Sma't bud pick ant plenty; 'e git full up. 'E wait tel mos' toze
sundown; 'e blow 'pon da ho'n--

"'_Tay-tay tenando wanzando waneanzo!_'

"Fool bud mek answer, but 'e come weak; 'e yent hab eat nuttin' 't all.
Soon nex' day mornin' sma't bud tek 'e ho'n en toot um. 'E done bin eat,
'e done bin drink dew on da leaf. Fool bud, 'e toot um ho'n, 'e toot um
slow.

"Dinner-time, sma't bud bin tek 'e ho'n en blow; 'e yent bin honkry no'n
't all; 'e hab good feelin'. Fool bud toot um ho'n; 'e toot um slow.
Night tam come, 'e no toot um no mo'. Sma't bud come down, 'e fin' um
done gone dead.

"Watch dem 'ceitful folks; 'e bin do you bad."[82]

FOOTNOTE:

[82] Mrs. H. S. Barclay, of Darien, who sends this story, says it was
told