ile up in da bush; 'e say nuttin' 't all.
"Affiky oomans is l'arn-a da pickaninny fer answer da sing, un wun he
sta't fer go off, 'e say:--
"Pit da peg in da do' un you no y-open um fer nobody 'cep' you is yeddy
me sing.'
"Lil gal, 'e say yassum, un da Affiky oomans gone off. Snake stay still.
'E quile up in 'e quile; 'e yent moof[53] 'e tail. Bumbye, toze
night-time, da Affiky oomans come bahck wey 'e lif. 'E stan' by da do';
'e talk dis sing:--
"'_Walla walla witto, me Noncy,
Walla walla witto, me Noncy,
Walla walla witto, me Noncy!_'
"'E v'ice 'come finer toze da las' tel 'e do git loud fer true. Da lilly
gal, 'e do mek answer lak dis:--
"'_Andolee! Andoli! Andolo!_'
"'E know 'e mammy v'ice, en 'e bin pull out da peg queek. 'E run to 'e
mammy; 'e mammy der hung um up. Nex' day, 'e da sem t'ing; two, t'ree,
sev'm day, 'e da sem t'ing. Affiky oomans holler da sing; da lilly gal
mek answer 'pon turrer side da do'. Snake, 'e lay quile up in da bush.
'E watch da night, 'e lissun da day; 'e try fer l'arn-a da sing; 'e no
say nuttin' 't all. Bumbye, one tam wun Affiky oomans bin gone 'way,
snake, 'e wait 'til 'e mos' tam fer oomans fer come bahck. 'E gone by da
do'; 'e y-open 'e mout'; 'e say:--
"'_Wullo wullo widdo, me Noncy,
Wullo wullo widdo, me Noncy,
Wullo wullo widdo, me Noncy!_'
"'E try fer mekky 'e v'ice come fine lak da lil gal mammy; 'e der hab
one rough place in 'e t'roat, un 'e v'ice come big. Lilly gal no mek
answer. 'E no y-open da do'. 'E say:--
"'Go 'way fum dey-dey! Me mammy no holler da sing lak dat!'
"Snake, 'e try one, two, t'ree time; 'e yent no use. Lilly gal no
y-open da do', 'e no mek answer. Snake 'e slick out 'e tongue un slide
'way; 'e say 'e mus' l'arn-a da sing sho' 'nuff.
"Bumbye, da Affiky oomans come bahck. 'E holler da sing:--
"'_Walla walla witto, me Noncy,
Walla walla witto, me Noncy,
Walla walla witto, me Noncy!_'
"Lilly gal say: 'Da' me mammy!' 'E answer da sing:--
"'_Andolee! Andoli! Andolo!_'
"Snake, 'e quile up in da chimmerly-corner; 'e hol' 'e bre't' fer
lissun; 'e der l'arn-a da sing. Nex' day mornin' da Affiky oomans bin-a
gone 'way un lef' da lilly gal all by 'ese'f. All de day long da snake
'e t'ink about da song; 'e say um in 'e min', 'e say um forwud, 'e say
um backwud. Bumbye, mos' toze sundown, 'e come at da do'; 'e come, 'e
holler da sing:--
"'_Walla walla witto, me Noncy,
Walla w
|