the way o' temptation, persuaded him
to leave Glasgow an' remove to the sma' village o' Mill-Burn, a little
way frae the farm which my father rented.

I well mind, said my father, o' the time when they first cam'
among us, an' how kin' was a' the neebors to his pale sad-lookin' wife
and the bonny light-hearted Geordie, who was owre young at the time, to
realize to its fu' extent the sad habit into which his father had fa'n.
When Mr. Stuart first came to our village he again took up his aul'
habits o' industry, an' for a long time would'na taste drink ava; but
when the excitement o' the sudden change had worn off, his aul' likin'
for strong drink cam' back wi' fu' force, an' he, puir weak man--had'na
the strength o' mind to withstand it. He soon became even war than
before; his money was a' gane, he did'na work, so what was there but
poverty for his wife an' child. But it is useless for me to linger o'er
the sad story. When they had lived at Mill-Burn a little better than a
twelve month, his wife died, the neebors said o' a broken heart. A wee
while afore her death she ca'd Davie to her bedside, an' once mair
talked lang an earnestly to him o' the evil habit which had gotten sic a
hold o' him, an' begged him for the sake o' their dear' Geordie, who,
she reminded him, would soon be left without a mither to care for him,
to make still anither effort to free himself fra the deadly habit. I
believe Davie was sincere when he promised the dyin' woman that he wad
gie up drink. Wi' a' his faults, he had tenderly loved his wife, an' I
hae nae doubt fully intended keepin' the promise he made her. For a lang
time after her death, he was n'er seen to enter a public house ava', an'
again he applied himsel' to his wark wi' much industry. After the death
o' Mrs. Stuart, Geordie an' his father bided a' their lane. Their house
was on the ither side o' the burn which crossed the high-road, a wee bit
out o' the village. Time gie'd on for some time wi' them in this way.
Davy continued sober and industrious, an' the neebors began to hae hopes
that he had gotten the better o' his evil habit; he had n'er been kenned
to taste strong drink o' ony kin' sin' the death o' his wife. One
evening after he an' Geordie had ta'en their suppers, he made himsel'
ready to gang out, saying to Geordie that he was gaun' doon to the
village for a wee while, and that he was to bide i' the house an' he
would'na be lang awa'. The hours wore awa' till ten o'clock, a