re that this worlde is transytory
After thy desert shall be thy mede
Loue god alway and eke hym drede
And for no mannes pleasure be thyn owne foo
Gyue theym fayre wordes and lete theym goo

[<>]
Be to thy kynge euer true subgete
As thou sholdest be by ryght and reason
Lete thy herte lowely on hym be sete
Without ony spot of euyll treason
And be obedyent at euery season
Vnto his grace without rebellyon
That thou with trouth may be companyon

Loue neuer vnloued for that is payne
Whyle that thou lyuest of that beware
Loue as thou seest the loued agayne
Or elles it wyll torne the to care
Be neuer taken in that fast snare
Proue or thou loue that is moost sure
And than thou in doubte shalt not endure.

Beware byleue no flaterynge tonge
For flaterers be moost disseyuable
Though that they company with the longe
Yet at the ende they wyll be varyable
For they by reason are not fauorable
But euermore fals and double
And with theyr tonges cause of grete trouble

This brytell worlde ay full of bytternes
Alway turnynge lyke to a ball
No man in it can haue no sykernes
For whan he clymmeth he hath a fall
O wauerynge shadowe bytter as gall
O fatall welth full soone at ende
Though thou ryght hy do oft assende

[<>]
Whan she to me had made relacyon
Of all these prouerbes by good conclusyon
She gaue to me an Informacyon
For to depryue all yll abusyon
And to consydre the grete derysyon
Whiche is in youth that may not se
No thynge appropred to his prosperyte

Forth than we went to an hauen syde
Wher was a shyp lyenge at rode
Taryenge after the wynde and tyde
And with moche spyces ryght well lode
Vpon it lokynge we longe abode
Tyll eolus with blastes began to rore
Than we her aborded with payne ryght sore

This water eclyped was vayneglory
Euer with yeopardy and tempestyous
And the shyp called was ryght truly
The vessell of the passage daungerous
The wawys were hyghe and gretly troublous
The captayn called was good comfort
And the sterysman fayre pasport

[P] Capitulum .ii.

Longe were we dryuen with wynde & weder
Tyll we arryued in a fayre Ilonde
Wher was a boote tyed with a teeder
Of merueylous wood as I vnderstonde
Precyous stones ley vpon the sond
And poynted dyamondes grewe on the rockes
And corall also by ryght hyghe stockes
[<<]

Amased I was for to beholde
The precyous stones vnder my fete
And the erth glysterynge of golde
With floures fayre of odour swete
Dame dyscrecyon I dyd than gr