.
"Thus farewell, most gallant captain!
Farewell, too, my heart's content!
Count not Spanish ladies wanton,
Though to thee my love was bent:
Joy and true prosperity go still with thee!"
"The like fall ever to thy share, most fair lad-ie!"
EDWARD, EDWARD.
"Why does your brand sae drop wi' bluid,
Edward, Edward?
Why does your brand sae drop wi' bluid,
And why sae sad gang ye, O?"--
"O, I ha'e kill-ed my hawk sae guid,
Mither, mither!
O, I ha'e kill-ed my hawk sae guid,
And I had nae mair but he, O."--
"Your hawkis bluid was never sae reid,
Edward, Edward:
Your hawkis bluid was never sae reid,
My dear son, I tell thee, O."--
"O, I ha'e kill-ed my reid-roan steed,
Mither, mither!
O, I ha'e kill-ed my reid-roan steed
That erst was so fair and free, O."--
"Your steed was auld, and ye ha'e got mair,
Edward, Edward:
Your steed was auld, and ye ha'e got mair,
Some other dule ye dree, O."--
"O, I ha'e kill-ed my father dear,
Mither, mither!
O, I ha'e kill-ed my father dear,
Alas, and wae is me, O!"--
"And whatten pen-ance will ye dree for that,
Edward, Edward?
And whatten pen-ance will ye dree for that?
My dear son, now tell me, O!"--
"I'll set my feet in yonder boat,
Mither, mither
I'll set my feet in yonder boat,
And I'll fare over the sea, O."--
"And what'll ye do wi' your towers and your ha',
Edward, Edward?
And what'll ye do wi' your towers and your ha',
That were so fair to see, O?"--
"I'll let them stand till they down fa',
Mither, mither:
I'll let them stand till they down fa',
For here never mair maun I be, O!"--
"And what'll ye leave to your bairns and your wife,
Edward, Edward?
And what'll ye leave to your bairns and your wife,
When ye gang over the sea, O?"--
"The warldis room, let them beg through life,
Mither, mither:
The warldis room, let them beg through life,
For they never mair will I see, O!"
"And what'll ye leave to your ain mother dear,
Edward, Edward?
And what'll ye leave to your ain mother dear?
My dear son, now tell me, O."--
"The curs
|