back in Embro, freen',
To pass the winter.
Whilk noo, wi' frosts afore, draws in,
An' snaws ahint her.

I've seen 's hae days to fricht us a',
The Pentlands poothered weel wi' snaw,
The ways half-smoored wi' liquid thaw,
An' half-congealin',
The snell an' scowtherin' norther blaw
Frae blae Brunteelan'.

I've seen 's been unco sweir to sally,
And at the door-cheeks daff an' dally,
Seen 's daidle thus an' shilly-shally
For near a minute--
Sae cauld the wind blew up the valley,
The deil was in it!--

Syne spread the silk an' tak the gate,
In blast an' blaudin', rain, deil hae 't!
The hale toon glintin', stane an' slate,
Wi' cauld an' weet,
An' to the Court, gin we 'se be late,
Bicker oor feet.

And at the Court, tae, aft I saw
Whaur Advocates by twa an' twa
Gang gesterin' end to end the ha'
In weeg an' goon,
To crack o' what ye wull but Law
The hale forenoon.

That muckle ha', maist like a kirk,
I've kent at braid mid-day sae mirk
Ye'd seen white weegs an' faces lurk
Like ghaists frae Hell,
But whether Christian ghaists or Turk,
Deil ane could tell.

The three fires lunted in the gloom,
The wind blew like the blast o' doom,
The rain upo' the roof abune
Played Peter Dick--
Ye wad nae'd licht enough i' the room
Your teeth to pick!

But, freend, ye ken how me an' you,
The ling-lang lanely winter through,
Keep'd a guid speerit up, an' true
To lore Horatian,
We aye the ither bottle drew
To inclination.

Sae let us in the comin' days
Stand sicker on our auncient ways--
The strauchtest road in a' the maze
Since Eve ate apples;
An' let the winter weet our cla'es--
We'll weet oor thrapples.

EDINBURGH, _October 1875_.

IV

THE SUSQUEHANNAH AND THE DELAWARE

Of where or how, I nothing know;
And why, I do not care;
Enough if, even so,
My travelling eyes, my travelling mind can go
By flood and field and hill, by wood and meadow fair,
Beside the Susquehannah and along the Delaware.

I think, I hope, I dream no more
The dreams of otherwhere,
The cherished thoughts of yore;
I have been changed from what I was before;
And drunk too deep perchance the lotus of the air,
Beside the Susquehannah and along the Delaware.

Unweary, Go