y; 'e min' dem chillun; 'e wait un 'e wait. Bumbye, 'e is git
honkry. 'E wait un 'e wait. 'E min' dem chillun. 'E wait un 'e wait. 'E
'come so honkry 'e yent mos' kin hol' up 'e head. 'E suck 'e paw. 'E
wait un 'e wait. Da 'Gator no come. 'E wait un 'e wait. Da 'Gator no
come some mo'. 'E say:
"'Ow! me no gwan starf mese'f wun da planty bittle by side er me!'
"Da lil boy Bear grab one da lil 'Gator by 'e neck; 'e tek um off in da
bush side; 'e der eat um up. 'E no leaf 'e head, 'e no leaf 'e tail; 'e
yent leaf nuttin' 't all. 'E go bahck wey da turrer lil 'Gator bin
huddle up in da bed. 'E rub 'ese'f 'pon da 'tomach; 'e say:
"'Hoo! me feel-a too good fer tahlk 'bout. I no know wut me gwan fer
tell da ole 'Gator wun 'e is come bahck. Ki! me no keer. Me feel too
good fer t'ink 'bout dem t'ing. Me t'ink 'bout dem wun da 'Gator is bin
come; me t'ink 'bout dem bumbye wun da time come fer t'ink.'
"Da lil boy Bear lay down; 'e quile up in da 'Gator bed; 'e shed 'e
y-eye; 'e sleep ha'd lak bear do wun ef full up. Bumbye, mos' toze
night, da 'Gator come; 'e holler:
"'Hey! lil boy Bear! How you is kin min' me chillun wun you is gone fer
sleep by um?'
"Da lil boy Bear, 'e set up 'pon 'e ha'nch; 'e say:
"'Me y-eye gone fer sleep, but me year wide 'wake.'
"Da 'Gator flut 'e tail; 'e say:
"'Wey me chillun wut me leaf you wit'?'
"Da lil boy Bear 'come skeer; 'e say:
"'Dey all dey-dey, Missy 'Gator. Wait! lemme count dem, Missy 'Gator.
"'_Yarrah one, yarrah narrah,
Yarrah two 'pon top er tarrah,
Yarrah t'ree pile up tergarrah!_'[76]
"Da 'Gator y-open 'e mout', 'e grin wide; 'e say:
"'Oona nuss dem well, lil boy Bear; come, fetch-a me one fer wash un git
'e supper.'
"Da lil boy Bear, 'e ca' one, 'e ca' nurrer, 'e ca' turrer, 'e ca' um
all tel 'e ca' six, den 'e come skeer. 'E t'ink da 'Gator gwan fine um
out fer true. 'E stop, 'e yent know wut fer do. Da 'Gator holler:
"'Fetch-a me turrer!'
"Da lil boy Bear, 'e grab da fus' one, 'e wullup um in da mud, 'e ca' um
bahck. Da 'Gator bin wash un feed um fresh; 'e yent know da diffran.
"Bumbye, nex' day mornin', da 'Gator gone 'way. Da lil boy Bear stay fer
nuss dem lil 'Gator. 'E come honkry; 'e wait, but 'e come mo' honkry. 'E
grab nurrer lil 'Gator, 'e eat um fer 'e dinner. Mos' toze night, da
'Gator come. It sem t'ing:
"'Wey me chillun wut me leaf you fer nuss?'
"'Dey all dey-dey, Missy 'Gator. Me count um out:
"'_Yarrah one,
|