to your father, if I gave him his
brother-in-law's bill to hauld in security; but I'm no quite sure if
that wad be honest."
"Thae things lie far out o' a weak woman's way," said she. "We haena
the power o' mind possessed by you men; but, if I were entitled to
speak a word on the subject, I would say there was nae dishonesty whar
there was nae wrang. Ye ken the signin o' my faither's bill's a mere
form; and, if William M'Gillavry's brither-in-law's bill were taen out
the box, it would just be put back again. Correct me, my dear Murdoch,
if ye think me wrang."
"I dinna think ye're far wrang, Peggy," said the deacon; "but how is
William M'Gillavry's brither-in-law's bill to be got out o' our
corporation box? There's the difficulty--and I needna ask a woman how
that's to be got owre."
"Na, Murdoch--ye needna ask me that question," replied the wife. "It's
far beyond the reach o' my puir brain; but, if it's in the power o'
ony mortal man to say how a difficulty o' that kind's to be mastered,
it is in that o' Murdoch Waldie. Maybe ye may gie't a cast through yer
powerfu mind. Oh! if ye saw my distractit faither! He left me just as
you cam in, wi' the tears o' sorrow rinnin doun his auld cheeks. Will
ye think o't, my dear Murdoch?" (embracing him) "What's weel intended
canna be wrang; and what's planned by a mind like yours canna fail."
"I couldna get the key frae Andrew Todd," said the gratified deacon,
"unless I told him an untruth."
"A lee for guid has been justified," said the wife. "Rahab was
approved for hiding the spies, and denyin their presence; but I
couldna ask ye to imitate Rahab. I hae nae richt to dictate to my
husband."
"But wouldna ye _wish_ me, my dear Peggy, to stretch a point to get
yer faither's tears dried up, and yer ain stopped? Dinna hesitate,
Peggy--speak yer mind bauldly--I'll forgie ye."
"Ou ay," whimpered the gentle dame. "If Rahab was justified, sae will
Murdoch Waldie be forgiven."
"Weel--I'll try the boxmaster again," said the deacon.
Next day, accordingly, he threw himself in the way of Mr Andrew Todd.
The boxmaster had been in the corporation hall, and was returning home
to deposit the key of the box in the place where he kept it. The
deacon got him inveigled into a public-house, where, when they had
seated themselves, he saw that Mr Todd was blushing scarlet, doubtless
at the recollection of the scene that had taken place the day before.
"Ye needna be ashamed, Andrew," s
|