e the important mission of deliverin my letter.
Accordingly, ae day when my faither was oot, and naebody in the shop but
mysel--
"Jock," cried I, waggin the boy in, "come here a minnit." Jock instantly
leaped to his feet--for he was on his knees, most earnestly engaged in
plunkin, at the moment--and, crammin a handfu o' bools into his pocket,
was, in a twinklin, before me; when, wipin his nose wi' the sleeve o'
his jacket, and looking up in my face as he spoke--
"What's yer wull, sir?" said Jock.
"Do ye ken Mr. Barton's, Jock?" said I.
"Brawly, sir," replied Jock.
"Weel, Jock, my man," continued I, but wi' a degree o' trepidation that
I had great difficulty in concealin frae the boy, "tak this letter, and
go to Mr. Barton's wi't, and rap canny at the door, and ask if Miss
Barton's in. If she's in, ask a word o' her; and, when she comes, slip
this letter into her haun. If she's no in, bring back the letter to me,
and let naebody see't. Mind it's for _Miss Barton_, Jock, and nae ane
else. Sae ye maunna be paveein't aboot, but keep it carefully hidden
under yer jacket, till ye see Miss Barton hersel; then whup it oot, and
slip it into her hand that way;"--and here I fugled the proper motion to
Jock. "Noo, Jock," I continued, "if ye go through this job correctly and
cleverly, I'll gie ye a saxpence." Jock's eyes glistened wi' delight at
the magnificence o' the promised reward, so far transcendin what he had
been accustomed to receive. He wad hae thocht himsel handsomely paid wi'
a ha'penny, and wad hae run sax miles ony day for a penny.
Having dispatched Jock, after seein the letter carefully buttoned up
inside his jacket, I waited his return wi' a painfulness o' suspense,
and intensity o' feelin, that I wad rather leave to the reader's
imagination, than attempt to describe. It was most distressin--most
agitatin. At length, Jock appeared--I mean in the distance. My heart
began to beat violently. He bounced into the shop; my trepidation became
excessive; my knees trembled; my lips grew as white as paper; I could
hardly speak. At last--
"Jock," said I, wi' a great effort, "did ye see her?"
"Yes," said Jock, "and I gied her the letter."
"And what did she say?"
"She asked wha it was frae."
"And ye tell't her?"
"Ay."
"And what did she say then?"
"She just leugh, pleased-like; and her face grew red, and she stappit it
in her bosom, and said, 'Vera weel, my man:' and syne shut the door."
Oh, what
|