m amplissimum Praesulis Reipublicae suae
electus egregio illo in statu ita se gerebat ut laudes et nomen magni
illius antecessoris, Abraham Lincoln, vel aequipararet--quorum alter
servitudinem, alter corruptionem vicit. Unde et spem licet concipere
ut viro bis summum civitatis honorem adepto accedat et denuo idem ille
honor terna vice, numero auspicatissimo, numerandus.

Fortem hospitis nostri animum et tenacem propositi novimus; felicitati
et otio non modo suorum sed etiam gentium exterarum consuluit:
bellator ipse atque idem pacis omnibus terrae gentibus firmandae
auctor indefessus, sicut et exemplum illustre praebuit nuper foedere
icto post bellum inter Iapones et Scytharum populos gestuni. Neque
idem pacem veram esse iudicavit, nisi quae iustitiae et ipsa
inniteretur; quippe civitates laude dignas negavit quibus nee in se
ipsis constaret fides et animi magnitudo.

Venatoriam artem exercuit, historiae naturalis amator; post dimissum
opus civicum requiem in Africae solitudinibus nuper quaesivit ubi in
feras terrae non minore animo, successu haud minore, ferrum exacuit
quam in malos saeculi mores saevire solitus est.

Iam tandem, laboribus functus, patriam suam repetiturus nobiscum
paulum temporis commoratur Ulysses ille alter, viarum pariter expertus
et consiliorum largitor.

Neque praetermittendum est hospitem nostrum, dum varias artes colit,
Musarum opus non neglexisse, stilo non minus quam lingua facundus;
quem nos, Academici, magnis de rebus loquentem hodie audituri sumus.

Hunc igitur praesento

Theodorum Roosevelt,

ut admittatur ad gradum Doctoris in Iure Civili honoris causa.

* * * * *

The Chancellor to Mr. Roosevelt in admitting him to the Degree.

Strenuissime, insignissime, civium toto orbe terrae hodie agentium,
summum ingentis rei publicae magistratum bis incorrupte gestum, ter
forsitan gesture, augustissimis regibus par, hominum domitor, beluarum
ubique vastator, homo omnium humanissime, nihil a te alienum, ne
nigerrimum quidem, putans, ego auctoritate Mea et totius Universitatis
admitto te ad Gradum Doctoris in Iure Civili _honoris causa_.

The Chancellor to the Bedels.

Ite, Bedelli! Ducite Doctorem Honorabilem ad Pulpitum!

* * * * *

The Chancellor will then, in English, welcome Mr. Roosevelt to
Oxford, and invite him to deliver his Lecture.

* * * * *

THE ROMANES LECTURE